الناس أنواع

دا بقة ......شايف نفسه قوي معرفش ليه ..........يمكن شايف حاجة في نفسه احنا مش شايفنها...................الله اعلم

ييجي يتكلم كدة تلاقي التناكة مع نفسها نازلة تشر.....ودايما تلاقيه ماشى ........وخلاص ماشي في الشارع محدش قدو ..........ويبص للغلبانةاللى فى البيت كده بنظرة مقرفه ومعفنة كأنو بقولها بالظبط انتي حشرة معفنة وميتة ومرشوشة وانا دستك بالشبشب 10 مرات قبل كدة

دا بقه في النهاية بيتنفخ ويتنفخ ويتنفخ وبيفرقع ويموت





2_سي السيد


ده بقه واحد عايش في الدور .....فاكر نفسو في فيلم قديم.......ومفيش رأي يعلو على رأيه .....ولا صوت يعلو على صوته

كل اللى فى دماغو ازاي يفرض سلطته على الغلبانة اللى فى البيت ....قومي ياولية هاتيلي اشرب....قومي يا ولية هاتيلي اكل.....المهم ان الولية تتنيل تعمل أي حاجة وهو يعد باشا يطقطق في صوابع رجله




3_مغلوب على امره

دا بقة مع نوعية حلوة جدا .وعموما دا نزل السوق قريب.......انا عارف ان كل البنات القمرات هتنزل تتدور عالعرض ده
بس دا سلعة شاحة شوية.....مش هتلاقيه بسهولة.........دا بقة مع الموجة.............. رايحة رايح معاها جاية جاي معاها
عايزين حاجات يامنيل ماشي ........مش عايزين حاجات يا منيل ماشي........حلو جدا....بس للاسف عامل بالظبط زي الكرسي بتاع السفرة ........ومش أي كرسي......كرسي قديم ومخلع





4-الودني

دا بقة نوعية اجارك الله .............يعني ابعد عن الشر وغنيله ......دا بقة اللى بيسمع كلام ماما ......اوعو يا بنات تاخدي واحد بيسمع كلام ماما....ده هيضيعك هيضيعك.......لوماما قالتله يجوزك يتجوزك ...لو قالتله بكرة يطلقك هيطلقك .....فده تقلبيه خالص وتدوريلك على فرشة ولا تسريحة افيد لك




5 الامور يعنى الحلو العسل

دا بقة واد جامد........................مايكل جاكسون يا اخواتي في ريعان شبابه
عنده الشعرتين الجامدين الي نازلين على الأرعه ومسمسمهم بقة .... والنغزتين الجامدين الواكلين الجو.......وطول ماهو ماشي في الشارع مقضيها معاكسات في بنات الناس...بس حرام عليه......البنات دي ذنبها ايه ...... والله كدة كتير ......يالا بقة ربنا معاه ....ادعولو بالهداية .........مقدرش اقول غير كدة




6_روميو


دا بقة سلطان زمانو كل مايشوف واحدة حلوة...معندوش غير نمط واحد ..........انتي اول واحدة تلفت نظري وتخش قلبي وتلبد فيه وتعشش في نغاشيشي ............ان شاء الله يشوف 10 عجبوه في يوم واحد ...بس برضو منظلمهوش .......واضح ان قلبو كبير ويساع من الحبايب الف ومية....تمسك الموبايل بتاعو تلاقي نانسي وبوسي ونوني وتوتي وبوتي.......يخش الشات تلاقيه فاتح مع 15 واحدة بيكلمهم في وقت واحد حرام بيتعب قوي ..........لكن ميصعبش عليكم غالي ....اصله مجرد ما بيشيل الكلام من هنا يرزعو هنا .......ويعيش المسكينات اللى معاه في الدور......شايفة القمر يا حياتي............نفسي احققلك كل اللى بتحلمي بيه ...........ويبدأ يرصلها....هجبلك طشت غسيل بالكهرباء...هجبلك مكوة بالريموت كنترول....والحوارات اللى انتو عارفينها........وساعة الجد باي نانسي..باي يا بوسي باي يانوتي .....باي يانوني...............كله باي...........انا كنت مستحملكم بالعافية .......انتو بجد خنقتوني




7- كرستوفر كلومبوس


دا بقة الريس الكبير بتاع المنطقة
دا اللى عارف كل حاجة ودارس كل حاجة.سبحان الله عليه...........ما تلاقيش حاجة ميعرفهاش الاخ..........لا بجد ناصح......يعني بصراحة حاجة ظريفة جدا............دا بقة مبيعترفش ان في حاجة اسمها مستحيل....لو هو مش عارف ميقولش مش عارف
.
.
.
.


كفاية كدة عليكم ياجماعة انا مش عاوز اتقل عليكم........يارب يكون الموضوع عاجبكم يارب ماكونش تقلت عليكم